الرئيسيةس .و .جبحـثالتسجيلالأعضاءالمجموعاتدخولالتسجيل

شاطر | 
 

 فاتت سنين ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو رامى الغرباوى
المراقب العام ونائب المدير العام
المراقب العام ونائب المدير العام
avatar

عدد الرسائل : 2921
تاريخ التسجيل : 07/12/2007

مُساهمةموضوع: فاتت سنين ..   السبت مارس 03, 2012 11:45 am

فــاتت سنين ..


ومبقاش هنا لينا مكان




حب وحنين




كنا هنا بنحس بأمان




ياما الحنين ملا القلوب




ياما يا قلبي من الشوق ندوب




وياما ناس وياما حاجات




وكلام كتير قتله السكات



أصل القدر هو اللي مكتوب عالجبين



فاتت سنين ..





فاتت سنين وأنا لسه بحنّ




واحساس قديم فيّا يزنّ




والرنّة نفسها .. فلبي لسه بيرتاحلها ..




ويقلبي يرنّ .. كل ما الرنّة ترنّ




من غير ما يعرف حتّى مين ..




فاتت سنين ..




فاتت سنين .. وسنين طويلة ..




على ليالي حلوة وأيام جميلة




والبعد عمره ما خلّى حيلة



والشوق في لحظة شرود هو الوسيلة



وليالي تشتاق لــ ليلة




سمعت فيها كلمة حلوة ..




سمعت فيها أحلى غنوة ..




كانت بتغنّيها الشفايف




تطمّني لو أبقى خايف ..




وفي عز سواد الليل انا بقى شايف




أصل نور الحبّ عمره مكانش زايف




بس النور اتقلّّب في الكمين ..




وتفوت سنين ..




وحاجات كتير اتعلّمتها ..




من براءة حبّها ..




من حنانها وشوقها ليّا ..




ما أنا أصلي بعد ما سبتها ..




عرفت ايه هيّ القسيّة ..




فاكر يا قلبي كان بيعمل فينا ايه شوقنا ليها ..




فاكر لمسة ايديها ..




فاكر ضحكة عينيها ..




وغمزة وأنا جاهل قاريها ..




يوم ما قلت انك شاريها ..




فاكر ..



ولا قطر الزمن .. نسّاك تدفع تمن التذاكر ..




ولا انسى ايه ؟؟؟




اوعى تكون فاكر اني نسيت




ده قلبي على قطر حبك عمل أبونيه ..




وقلبي بيجري عليك لما المطر يشتد وقلبي يحتاج لبيت ..




وانت الوحيد اللي قلبه كان على قلبي أمين ..




من قبل ما تفوت سنين .....




اوعي تكوني فاكرة اني لغيرك قلتها




أقسم بربّي ما حصل



وقلبي اتعوّد يقولها ليكي بس




زي ما زمان قالها ليكي لما قلبك اتّصل






أنا زي ما أنا ..






طالب في طب ..




لا بعرف أهين ولا أعرف أسبّ ..




ولا من غيرك عارف طريق للحبّ ..




أنا من غيرك عجوز .. وبيكي بس أنا ببقى شابّ




ولما انتي تبقي أم .. أنا أبقى أبّ




وعشان أوصل معاكي لحلمنا بقول .. يا رب




مهو الوحيد اللي فاهم القصد والمعنى




وهو الوحيد اللي قادر يرضى عنا ويجمعنا ..




والغنى هيفيد بإيه ..




آآآه لو تعرفي ..




أنا بدعي ليا وبدعي ليكي أد ايه ..




ماهو الدعاء هو الوحيد اللي .. هينفعنا ..




يا رب انت الوحيد اللي في قيام الليل بتسمعنا




والملايكة في عن الشمال وعن اليمين



بتقول آمين


والدعاء هو الدواء .. اللي يحلّي مرار سنين


فاتت سنين








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فاتت سنين ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الشعر والادب والقصة القصيرة :: منتدى الشعر-
انتقل الى: