الرئيسيةس .و .جبحـثالتسجيلالأعضاءالمجموعاتدخولالتسجيل

شاطر | 
 

 كشك طنط أم رأفت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو رامى الغرباوى
المراقب العام ونائب المدير العام
المراقب العام ونائب المدير العام
avatar

عدد الرسائل : 2921
تاريخ التسجيل : 07/12/2007

مُساهمةموضوع: كشك طنط أم رأفت   السبت ديسمبر 15, 2012 9:55 am



بدايه كده ازيكم جميعا ووحشتونى بطريقة فظيعة شنيعه آخر حاجه
ا
لنهارده انا جايه احكيلكم على الكشك اللى انا بشتغل فيه .....
قصدى مركز تنظيم الأسرة اللى يشاء القدر انى اقضى فيه سنة
التكليف بتاعتى
وللى ميعرفش يعنى ايه مركز تنظيم أسرة .... اقوله انا
ده بيبقى مجموعه عيادات مع بعض وبتكون موجوده فى مناطق
سكانيه مزدحمة بتوفر ليهم الرعاية الصحية والعلاج كمان بأجر معقول
جدا
وفى بعض المناطق النائية اللى بيبقى مش متواجد فيها مستشفى
بيكون مركز تنظيم الأسرة هو الحل الوحيد
انا هتكلف يا ماما ( يالهووووووووووووووى )
التكليف ده ممكن يكون بدايه لانطلاق حياة دكتور شاب اوممكن
تكون السبب الأول لاصابته بالضغط و السكر
فى التكليف .... الكل بلا استثناء ( التمريض و العيانيين و حتى
الدكاتره الأكبر مننا فى السن ) بيعاملونا على اننا مانعرفش أى
حاجه واننا خطر اكتر من القنبلة النووية وممكن ننفجر فى اى وقت
الا طبعا عدد قليل من الناس اللى بيحاولوا يشجعونا ويدونا ثقة
بنفسنا
كل اللى على العربيه بجنيييييييييييييييييييييييه
فى مركزنا المتواضع عندنا عيادة أمراض نسا ومتابعة حمل وتنظيم
أسرة و عيادة اطفال و عيادة باطنة و عيادة أسنان و معمل تحاليل
و صيدلية داخلية
التذكرة بتكون بجنيه ومن حق العيان انه يكشف ويقيس الضغط
وياخد 3 انواع ادويه ويمشى
طبعا دى حاجه لوز قوى
بس هل الناس بتقدر الفرصة دى وبتعامل الأطباء فى المركز على
الاقل باحترام ؟؟
لا بتلاقى العيان من دول داخل نافش ريشه ولا الديك الشركسى
ويرمى التذكرة فى وشى وبكل ثقة
اكتبيلى مضاد حيوى ومذيب بلغم وحاجه للصداع
اقوله بكل براءه ( طيب ممكن اكشف الاول على حضرتك
وهكتبلك العلاج اللى انت تحتاجه )
الاقى الديك الشركسـ .... قصدى العيان وشه يحمر : انتى
هتعملى نفسك دكتوره عليا ولا ايييييييييييييييييه ده انا قاطع تذكره
وليا 3 ادويه وهاخدهم بقولك ايه اكتبيهم لاعملكم مصيبه
اهئ اهئ اهئ اهئ اهئ اهئ
ومن هنا تحول المركز الى كشك طنط أم رأفت
فعلا الأم دى مثالية
فى يوم من ذات الايام دخلت عيادة الباطنة واحدة ومعاها بنت
عندها 7 سنين والبنت كانت تعبانه خالص على حد كلام
مامتها .... انا دايما بحترم كلام اى أم لانها بتبقى قلقانه المهم كشفت
على بنتها طلع كل اللى عندها دور برد وترشيح فكتبتلها علاج
مناسب
الأم : كتبتيلى مضاد حيوى ؟؟؟؟
- حضرتك البنت مش محتاجه تاخد مضاد حيوى
الأم : لا انا شايفه انها محتاجه
- بقولك انا شايفه انها مش محتاجه
الأم : بقولك ايه هو انتى هتعرفى بنتى اكتر منى اكتبيلى المضاد
الحيوى والا هشتكيكى فى المديرية ( نيااااااااااااهاااااااااااهاااااا )
طبعا انا والحمد لله مابتهددش والا كان لو كنت كده كان زمان
المركز والصيدلية بقوا سوبرماركت او عربيه فى الشارع
وكل اللى على العربية بجنيه
حرقة دم
موقف تانى عمرى ماهنساه ... واحده كبيرة فى السن حوالى 70
سنه كده جايه تكشف واول ما قعدت قالتلى معلش يابنتى تكتبيلى
مضاد حيوى
فقولتها سلامتك يا حاجه ايه اللى تاعبك
قالتلى لا يابنتى ده انا عايزاه اكسره للفراخ فى الاكل لحسن عندها برد
اهئ اهئ اهئ اهئ اهئ اهئ اهئ
يعنى المضاد الحيوى اللى بيجلينا بكميات قليلة وبيخلص دايما قبل اخر
الشهر نكتبه للفراخ !!!!!!!!!!
بذمتكوا مش ده كلام يحرق الدم !!!!!!!!!!!!!!!!!!!!!!!!
ولما طبعا رفضت وقولتها باسلوب هادى والله ان الكلام ده مينفعش
وان فى ناس احق بالعلاج ده
الست الحجه قامت ودعت عليا بطريقة ياربــــــــــــــــــــــــى حسيت
انى قتلت عيالها او زى ما اكون اخدت العلاج لنفسى
انا وطنط أم رأفت
احب اعرفكم بطنط أم رأفت ... دى واحدة صاحبة كشك جمب
المركز شكلها العام بسيط وكل يوم اشوفها بتتمشى فى المركز تسلم
على الدكاتره والتمريض والعمال والعيانيين
كل الناس بتحب أم رأفت ... فى اول معرفتى بيها كنت فاكراها
غلبانه ولان هيا مريضة بالضغط فكل يوم حد من المركز يقيسلها
الضغط
ولو شافت حد بيزعق للدكاتره والتمريض يتطلع فيه تبقى هتموته
ربنا يخليكى ليا يا طنط أم رأفت مش عارفه من غيرك هعمل ايه
شكوى رسمى
احنا كأطباء تكليف بنشتغل فى العيادات كلها .... مره وانا فى
عياده النسا جتلى واحده تسأل على وسائل تنظيم الأسرة فشرحتلها
الاختيارات اللى قدامها وايه الأنسب ليها واقتنعت هيا بنصيحتى
وفعلا اخدت علاجها ومشت .... تانى يوم الاقى واحد طول
بعرض داخل يزق باب العياده وبيدور عليا وبسأله خير يا
استاذ .... يقولى ايه اللى يحشرك بينى وبين الست بتاعتى نخلف
ولا منخلفش انتى مالك انتى .؟؟؟؟
نيااااااااااااااااهاااااااااااااااااااااهااااااااا ااااااااااااا
والبيه جه يعرفنى انه هيشتكينى فى القسم وانا بكل تناحه قولتله لو
تحب اديك رقم الخط الساخن بتاع وزاره الصحة مفيش اى مشكله
انا مالى بقى ان المدام جت من ورا جوزها وانه كان حالف عليها
يمين طلاق قو استتخدمت وسيلة
فى الكلية علمونا ازاى نفهم الطب بس محدش قالنا ازاى نتعامل مع
الحالات دى ................ وعجبى
كشف ديليفرى
من الحاجات اللى برد بتبقى مستفزه جدا الاقى واحده داخله العياده
عايزانى اكشف على اولادها .... ابص ملاقيش معاها حد والهانم
تقولى لا دول فى البيت وانا هوصفلكم تعبهم ..... عروستى ...
اقولها يا مدام وانا هكتبلهم علاج على اساس ايه ؟؟؟ تقولى اكتبى
على الوصف ؟؟؟؟؟!!!!
طيب يا مدام مجيبتيش اولادك يكشفوا ليه ؟؟؟؟ قالتلى اصلهم
تعبانيين .... قولتلها لا عندك حق ما انتى جايه عند البقال
لله وللوطن
فى الاول لما كنت تيفو جديد ( تكليف جديد يعنى ) كنت بحرق
دمى على كل حاجه وابقى على اعصابى واروح البيت مش طايقه اكلم
حد
بس مع التعود بييجى البرووووووووووود والهدووووووء وتكبير
الدماغ والواحد بقى بيشتغل وخلاص
اصل الواحد بيشتغل ويتعب وفى الاخر يحرق دمه وبس
والى لقاء اخر وحكايات اخرى من كشك طنط أم رأفت
santa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كشك طنط أم رأفت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: مساحة عامة-
انتقل الى: