ابو رامى الغرباوى
المراقب العام ونائب المدير العام
عدد الرسائل : 2921
تاريخ التسجيل : 07/12/2007
 | | موضوع: سيبنى يا قلبى الأحد أكتوبر 17, 2010 1:37 pm | |
| سيبني يا قلبي اتكلم مره
سيبني اطلع كل ما فيا
كابت دايما فـ جراح مره
شايف بس مغمي عنيا
كل ما اقرب بهرب وابعد
خايف زعلي ليجرح حد
ليه متخفشي عليا فـ مره ؟
ياما تعبنا يا قلبي بجد
كنت تقولي اصبر وارضي
وكنت بصدق نفسي فـ يوم
صبري معاك كان اكبر غلطه
حق الدنيا عليا تلوم
مرمي علي الهامش وتملي
اللي يقولي كلمه يكون
عايز تاني مصلحه مني !
ياخد بس بيمشي يخون
جاتني الضربه ضربه وقاضيه
والاصعب في غريب بيحن
اسكت واعمل نفسي دي هاديه
وانا مخنوق مجروح وبئن
خدت الوحده صديق وصادقته
كانت قاسيه طول الايام
ادي كلامك وانا صدقته
كنت بصدق فـ الاوهام
كل ما ***ول اعيش من تاني
ثقتي في نفسي تاني تقل
قولي حصدق مين وحأمن ؟
احساس صعب بجد يغل
كل ما اسامح وانسي امبارح
تقف الساعه الف وادور
اصعب سكه تمثل ضحكه
علشان ميبنش المكسور
| |
|
