تناهيد قلب وزفرات روح على قصاصات ورق (متنفس الأنا)

من يوم سكن في القلب وأنا كل أحاسيسي حزينة
مازارني من يومها الفرح ولافارقتني الأحزان
أنا غلطتي إني سلمت له قلبي وصرت فحبه رهينه
تغنيت له بالحب وسطرت فيه أشعاري
وعزفت له أعذب الألحان
مادريت إن سهم حبه المسموم علّه صابت
القلب الله يعينه
أدري تماديت فهواه وأدري إني أنا الغلطان
بس ماقدرت أصد العشق يوم جاني فاتح ٍ لي يدينه
غفلت إن العشق أكبر جارح وخوان
وهذا أنا من صد عني حبيبي أعيش بعذاب وأشواق
وقلبي زايد حنينه
وعايش كأني غريب وسط أهلي من غيره
تايه وحيران
وجرى بي العمر فلحظة لقدام وحفر على وجهي
خطوط دلت على مرارة سنينه
ودموعي كنها أنهار حفرت لها بخدودي وديان
وصار الحزن لي سكن والأسى صار لي عنوان
ذبحني حب واحد مادري عني نايم قرير العين
طول ليله
لاتلوموني ماأقدر أداري دمعتي وأنا مشتاق لشوفته
وعليه بالحيل ولهان
هوهجرني واختار له غيري حبيبه
وباعني للأسف برخيص وأنا الي شريته بغالي الأثمان
لكن الحب قدر مكتوب على الجبين و قضيت العمر
انتظره وأقول متى ربي يجيبه
ويوم شفته ربعته بعرش قلبي واسكنته الوجدان
وياخساره هو من جرح قلبي وتلذذ بسماع أنينه
أبترك نفسي للأيام عساها تنسيني حبي الي كان
وأكيدة إنه بيرجع لي متحسف وندمان
بعد مايعرف إنه فبيعته لي هو كان خسران

» ~ .. غيث من فيض الروح وأحلام للسطور تبوح ..~ متنفس الأنا ..~