ابو رامى الغرباوى المراقب العام ونائب المدير العام
عدد الرسائل : 2921تاريخ التسجيل : 07/12/2007
موضوع: الدنيا لسا بخير الإثنين أغسطس 08, 2011 1:22 pm
السلام عليكم ورحمة الله وبركاته
كل سنة وانتم طيبين عاملين ايه في رمضان؟
انا شايف اننا بقينا بنتكلم كثير عن الحجات لي مش كويسة وعن العادات الوحشة لي في الناس ونسينا ان الدنيا لسا بخير اه طبعا الدنيا لسا بخير
من ايام شوفت موقف خلاني افتكر ان الدنيا لسا بخير
ست كبيرة كانت راكبة ميكرو وطلبت من السواق يوقفها قبل المحطة بشوية طبعا العادة انو مش يرضى ويقعد يتخانق انما هو فيه الخير قبل ومش بس كدة لا ده نزل وخدها من ايدها وعدا بيها الشارع واطمن عليها طب ما الدنيا لسا بخير
حد قريبي كان رايح المسجد يصلي المغرب وكان واخد معاه تمرات بيقولي انه هيفطر بيهم ولما رجع رجعهم وقالي اصل في هناك اكل كثير في تمر وفي لبن وفي اكل وفي حتى جاتوهات بيتي طب كويس الحمد لله الدنيا لسا بخير
مواقف كثير جدا بتحصل وبنشوفها كل يوم يمكن تبقى عادية انما بتخلينا نقول الدنيا لسا بخير
هل حصل قدامك موقف خلاك تقول الدنيا لسا بخير؟ ايه هو الموقف؟ هل انت شايف ان الدنيا فعلا لسا بخير ؟ عاوز رايكم في الموضوع
