ساعات كتير بيفراقنا اعز الناس ف حياتنا بس احساس صعب اوى
بتحس ان الدنيا كلها بقت ضيقه عليك
تحس ان الدنيا بقت جلاد والسوط اللي ف ايديها هو الفراق
لكن مرة واحده تجيلك الضربه اللي صعب انك تلاقي حد يداويهالك وهي ضربة فراق اجمل الناس اللي ف حياتك
لآن بأختصار مفيش حد هيدويهالك
انا عايش ف مرار الفراق
وحاسس بكل واحد فارقه اعز الناس ليه
ويمكن لما كتبت ده ممكن اكون هديت شويه
تعالي وقلنا\قوللنا ايه معني الفراق بالنسبالك
تعالي وفضفض يمكن الكلمه تريحك
ويمكن تسمع\تسمعي كلمه من حد تريحك
وانا كلمتى ليكوا النهارده انك ف اي حال من الاحوال تقول\تقولي "الحمد لله"
ويارب ماحد ينحرم حد من اللي بيحبهم لآنه احساس بجد صعب اوووووووى
كل واحد عنده مشكله عاطفيه ممكن نتكلم فيها مع بعض ونحلها مع بعض او اى حد بعدت عنه اوبعد عنه حبيبه يتكلم ويقول بصراحه ويفضفض
وأنا اول واحد هحكى لكم حكايتى
(انا حبيت واحد كتير كتير فوق ماتتصوروا وهى كمان كانت بتبادلنى نفس الشعور بالحب ده
أستمر حبنا قرابه 4 سنوات كنا مع بعض صبح وليلا مع بعض بنتكلم ع التليفون
فى فتره من الفترات حسيت انها تفكيرها بدأيتغير من ناحيتى وبدأت تتكلم معى بطريقه مش كويسه
انا مش ينفع أسكت لها وربنا يهدينى وبختها جامد وكسفتها اوووووووووووى
وانا بصراحه كنت غلطان ساعتها غلطت فيها جامد يعنى بعد كده انقطع عنى الماء والنور
نسيتنى خالص حاولت معها كثيرا
احنا انفصلنا تقريبا يوم 1/10
انا مكدبش عليكم حنيت لها مره ثانيه لانها وبصراحه حب عمرى الاول والوحيد وهى لا أستطيع ان اعيش بدون قلبها وبدونها معى
حاولت بشتى الطرق انى استعيدها لم أستطيع ولكن عندما سألت وتحدثت مع أحد اصدقائى فقال لى حاول انتا تبعد عنها (أنفضلها يعنى) حاولت وبصراحه جابت نتيجه بس ياريتها ما جابت نتيجه دى كانت نتيجه سلبيه جدا
الحوار الذى دار بينى وبينها
هى: مش تزعل منى
أنا : لا عادى انا مش زعلان
هى: انا بحبك وعمرى محبيت حد غيرك ولا هحب بعدك
أنا : بصراحه ماصدقت انها قالت كده ليا فرديت عليها بسرعه انا عمرى ما ازعل منك ياجميل انتى برده الاصلى وانا بحبك وعمرى محبيت ولا هحب غيرك
أوك ع كده ياجماعه
وبعدها مشيت
فكرت اتصل بيها انا اول يوم زى ما كنا بنعمل زمان بس قولت لا يابنى خليها لبكره او ممكن هى تتصل
فهى بردوا معبرتنيش
تانى يوم قولت بصراحه كده لازم اكلمها فاتصلت عليها
الحوار كالتالى
انا: ألووووووووو ازيك
هى: الحمد لله كويسه
أنا :صوتك متغير كده ليه انتى تعبانه ولا أيه
هى: لا ولا تعبانه ولا حاجه
رديت عليا بعدها وقالت انا اسفه تانى
انا:أسفه ع ايه تانى
هى:انا كذبت عليك انا مش عاوزه ارجعلك
انا: امال ليه بتعملى معايا كده انتى بتهزرى ولا بتتكلمى جد بلاش هزار والنبى يا(.......)
هى :والله جد
انا:طب ليه كده يعنى
هى:انا بصراحه لما اشوفك بتتكلم مع حد بتجنن ولما انتا كنت بتتكلم مع (........)و(.....) البنات دول بغير منهم وانا بصراحه مش عاوزاك ليا بس ومش عاوزاك تكون لحد تانى
انا: انتى هبله ولا عبيطه ولا شكلك كده
هى: بصراحه انا بحبك حب امتلاك
انا سمعت الكلام ده من هنا وكانت لسه اغنيه حب امتلاك بتاعه جنات لسه نازله فجريت ع طول اسمع الاغنيه اشوف يعنى ايه حب امتلاك ولا لقيت فى حاجه منطبقه خالص ع حب امتلاك دى ههههه
وبصراحه انا قبل الحوارات دى انا كنت كلمت بنت عمتها وقولتلها تشوف زعلانه ليه بعد ده كله بعد ما اتأسفت ليها
بس انا اللى مزعلنى فى الموضوع كله انى معنتش فاكر ليها اى حاجه حلوه خالص نسيت حتى صوتها وكلامها وكرهت الحب كمعنى وككلمه
انا اسف يا جماعه دوشتكم بقصص تعبانه
بس انا عاوز اسمع منكم انتم قصص جامده
مستنى حكاياتكم وكلامك الجميل ومنجيلكوش فى حاجه وحشه
