ابو رامى الغرباوى
المراقب العام ونائب المدير العام
عدد الرسائل : 2921
تاريخ التسجيل : 07/12/2007
 | | موضوع: متى الشوارع تجمع اثنين صدفه الجمعة ديسمبر 10, 2010 12:57 am | |
| يطيح جفن الليل وأهز كتفه
نجم يشع وباقي الليل مطفي
وأحاكي الجدران عن وصف غرفه
ماتشبه الجدران ويطول وصفي
وتملني الجدران وأظهر لشرفه
تحت السما وأسكر الباب خلفي
ريح تهب وتسكن العظم رجفه
وتموت ريح وتسكن أوراق نزفي
على الروابي تهطل دموع وطفه
وتصب لمع بروقها وسط طرفي
ياطاري الغدران والعمر رشفه
مع قلها ياليتها يوم تصفي
الحب واجد مير الأقدار صلفه
والأرض واجد لكن الحلم منفي
واللي أعرفه راح ماعاد أعرفه
ولاعاد يذكرني الا أقلبت مقفي
ماهو حبيبي مورد القلب حتفه
ولاهو حبيبي يفرح بوقت ضعفي
مر ثمر هالليل وأمر قطفه
يالحنظل اللي صرت أذوقه بكفي
متى الشوارع تجمع اثنين صدفه
لاصار شباك المواعيد مجفي
ويابنت تو الليل ماراح نصفه
وياليل بعض اللي مضى منك يكفي
</B></I> | |
|
