ابو رامى الغرباوى المراقب العام ونائب المدير العام
عدد الرسائل : 2921تاريخ التسجيل : 07/12/2007
موضوع: رساله رجعت فى البريد السبت ديسمبر 18, 2010 2:40 am
وسط ايامى الغربيه دار حلمى واستدار يبحث عن ارض قريبه يغيرني ويغير المدار حتى كلامى عنى غاب وصار حمل يتقل اكتافى التقال انا يادنيا ما كنت عاصى وتاب ولا صخر ولا زى الجبال انسان وعاش يحلم احلام الصغار بيت واسره واولاد كثار... لكن حلمى اتكسر وتاه ضاع باول المشوار ...
بيت القصيد والمعنى والمضمون انا مش عارف مالايعرفون ولسه فى الدنيا بعارفر يمكن بيوم افهم وتبان الطنون افهم سؤال من الف عام يتسأل؟؟ الحب عيب ولا حرام ؟؟؟ حقيقه والا سطر فى الكلام؟؟ تشبهت بالسؤال لو كان خيال يبقى عنتر كان كلامه فى عبله نصب واحتيال.. ولا قيس وعذابه كان هبال ... يعني جويده لما قال .. (فى عينيك عنوانى) قالها لصنم فيه جمال ... كان كدب يعني ...ولا لعب عيال ..
ولى بيا لسا فى السطر جايا تكتب سطور النهايه قبل البدايه اسمع انا من زمان عن كلمه مش عيزه تبان كلمه بيقولوا معناها تشوفه ماتسمعوش تحسه ما تقرهوش كلمه محبوسه جوايا بتصرخ من ثنايا نفسها تخرج شويه ... تبصبص للدنيا ديا ... كلمه فى اخر فصول المسرحيه كلمه ننطقها كدا (حريه)
وفى لحظة غباء كتبت رساله بالدماء للرئيس وجمال وعلاء سألت لو كنتم بين ايدين رب السماء اكيد مش هايسألكم عن اللى كان بكربلاء ولا اللى حصل فى الجولان والقدس ولا مين طلع لفضاء ولا كام شقه بنيت من مساكن الايواء ولا ليه فى مصر زحمه بعهدكم ولا ليه غلاء اكيد هايسأل على اللى مات كان نفسه يفرح ويفرح عياله جايب لبس العيد وراكب قطر التعساء اللى بيخرج كل يوم لأرض الموتى تارك ارض الاحياء وهايسأل عن اللى ماتوا على ادين المخبرين ولى ماتوا فى مظهارت حزب العاطلين ولى ماتوا وهما ميتين ... ولى انتحر من كتر الدين .. وهايسالكم .....عن كل السنين اللى بكيت فيها وسالت احنا مين احنا مين ؟؟؟ وفجأه اصحى من حلمى وقول ياغبي .... فاكر نفسك ولى ولا من الصالحين احنا فى زمن الفاسدين ... احنا فى زمن الكلمه ماتت قبل روحنا من سنين ياغبي ... لو تكتبت رسالتك هايقرها مين ؟؟ هايقراها مين ؟؟؟
