النميمه ............ ياترى هتعمل إيه فى الموقف دا ؟

السلام عليكم ورحمة الله وبركاته

ـــــــــــــ

إزيكم يا شباب وبنات

يارب الجميع يكون بخير وسعاده

.....

النميمه ّ!!!

الناس اللى مش بتعرف تعيش منغير متنم

هيا عاده فيهم ولا ضعف فى عقولهم

ولا إيه بالظبط

هل النميمه بقت تسليه بتعدى الوقت

أو حاجه بتخلى الناس تضحك وخلاص

لدرجادى الناس بقت تنم عادى

كتير بنشوف مجموعه قاعده بتتكلم

ممكن يتكلمو ويضحكو ويهزرو

ويخلصو قعدتهم ويكونو فى منتهى السعاده

لإنهم كانو بيتكلمو فى حاجات لا تخص أشخاص

أو بمعنى أصح مش بينمو فى حد مش موجود

عكس مجموعه تانيه

يقعدو ومن أول كلمه ويمكن قبل صباح الخير

يجيبو سيرة فلان وفلانه

شوفت دى عملت إيه

طيب شوفت الواد اللى عايز الضرب دا

وهاتك يا نم

طول القعده ينمو فى خلق الله

لمجرد إنهم مش لاقيين حاجه يتكلمو فيها

وبعد ميخلصو حفلة السمر اللى كانت شغاله

يقومو وكل واحد على كتافه ذنوب و ذنوب

طيب ليه والكلمه الصالحه مافيش أحسن منها

هو فيه ناس كدا فعلأ ؟

أكيد فيه طالما إنت فى الدنيا

ليه النميمه

ومافيش أحسن من الكلمه الصالحه

أو تجيب سيرة فلان أو فلانه بكلمه حلوه

لإن ثقى أو ثق تمام الثقه

إنك زي ما بتنم على فلان من وراه

أكيد فلان هينم عليك

والعكس بالنسبه للبنات

زى ما بتنمى على فلانه

أكيد فلانه هتنم عليكى

وربنا يهدى الجميع

السؤال ؟

1. لو حد بيتكلم معاك وبينم على شخص مش موجود هتقوله إيه ؟

2. لو شفت إتنين بينمو على شخص تالت وأخر سعاده بالنميمه هتتصرف إزاى ؟

3. لو عرفت إن فلان بينم عليك من وراك

وقدامك حبيبك وصاحبك وأخوك هتتصرف إزاى معاه أو معاها ؟

4. نصيحه صغيره منك للشخص المنم ؟

» هتعمل & هتعملى ايه فى يوم فرحك &&
» تخيل خطيبتك او خطيبك بعتلك المسج ده ياترى ايه موقفك !!!