الحكم بالموت علي فتاه حبت بجد

انا بنت مصريه زي كل البنات حلمي كان علي قدي كنت بحلم بفارس احلامي الجمييل
وكنت بتمناه
واخيرا جه فاري احلامي اللي فهمني معني الحب
بس كان فارس احلام مزيف
كان بيتكلم عن معني الحب
وهو تقريبا عمروا ماحب
كان بيتكلم عن الحنيه وهو ميعرفش معناها
كان عايز كل حاجه ليه هو وبس
يعني كان عايز ياخد الحنان والحب
بس
مفيش مقابل يعطيه لحبيبته
كان اناني اوي وميحبش حد غير نفسوا
وعشان انا كنت بحبوا حاولت اغيروا بس للاسف كان شايف ان رائيوا هو اللي صح وكل الناس غلط
وكان دايما يقولي انتي لسه صغيره
عايني اضحك واهزر بس
لاكن مينفعش اكون زعلانه ولا مضايقه
عمروا ماجه في يوم وقالي ايه اللي مزعلك ولا ايه اللي مضايقك
ولما اقوله انت ليه مش بتحس بيا كان يقولي اصلك نكديه
طيب ممكن اسال الشباب سؤال هو انا مش انسانه وليه مشاعر استحملت كتيير اوي
معاه
كنت بمشي جمبوا ويقعد يبص لبنات كتيير
وكان يتكلم في الموبايل يقولي ده واحد صحبي رغم اني كنت بسمع صوت بنات بيكلموا
بس صبرت علي كل ده
وقولت انا بحبوا يبقي لازم استحملوا
وبعد ده كلوا جايين تلوموني
طب علي ايه بتلموني
انا كان كل املي اني احب واتحب احس بالامان مع الشخص اللي بحبه
هسالكم سؤال ياشباب لو لقيت واحده حنينه وبتخاف عليك وبتحبك وبتحاول تقربك من ربنا ومحترمه ومصليه وبتخاف اوي علي مستقبلك اكتر منك
وحساسه جدا
ومحجبه وفوق كل ده بتحبك اوي
هتتهمها بالجنون
هتسيبها لوحدها وتمشي
بس مع الاسف هو محسش باي حاجه من الحاجات دي هي قدمتلوا كل حاجه وملقتش مقابل غير الخيانه والغدر
المفروض كنا نقف جمبها بس كل الناس اتهموها بالجنون وانها عايشه في عالم تاني
طبعا البنت حاولت انها تفهم الناس معني الحب الحقيقي بس للاسف محدش سمع منها حاجه
فقررت البنت انها تنتحر وفعلا انتحرت
طب ليه زمبها ايه البنت دي زمبها انها حبت بجد
ولا ان مفيش حد بيحب اصلا في الزمن ده
فين ضمييير الناس فيين عطفهم
احنا دلوقتي في مجتمعه كل واحد بيقول يلا نفسي
ازاي هنلاقي الحب في الزمن ده
بس العيب مش في الزمن العيب فينا احنا فيها ايه لو نصارح بعض بالحقيقه
بس احنا شعبنا دايما بيجييب الغلط علي الزمن لاء العيب فينا احنا
الزمن مش بيكدب ولا بيغش
احنا اللي عملنا كده في نفسنا
البنت دي موتت قلبها عشان مقدرتش تعيش في مجتمع وحش كده
كلوا بيكدب علي كلوا وكل واحد بيخدع التاني
فيها ايه لو كنا ادنالها فرصه
اكييد كان زمنها عايشه معنا ويمكن كانت تكون لاقيت فارس احلامها
العيب مش في الزمن العيب غينا احنا يابشر
بس احنا اللي خربناها وهنقعد علي تلاها

كل واحد يقراء الموضوع يقولي لو لقي واحده بتحبوا اوي كده هيتهمها بالجنون ولا هيحافظ عليها ولا هيرميها

ويارييت تدعولها بالرحمه
انا عارفه انها ماتت كافره بس ادعولها بالرحمه ربنا يرحمك يانسريين
للعلم دي كانت من اعز اصحابي بس مقدرتش تستحمل الدنيا الوحشه دي
فوقوا بقي لحد امتي هنفضل كده
كفايه غش وكدب وزور
ارحمونا بقي

» تتظاهر بالموت لتنجو من الموت
» سؤال لكل فتاه بشرط الصراحه؟؟؟
» صرخة فتاه
» فتاه قتلها الحب
» لماذا تكرهين كونك فتاه أحيانا ؟