ابو رامى الغرباوى المراقب العام ونائب المدير العام
عدد الرسائل : 2921تاريخ التسجيل : 07/12/2007
موضوع: قضية امن قومى *هههههههههه* الأحد يناير 23, 2011 12:22 pm
طبعا كلنا شايفين الحال اللي وصل ليه مجتمعنا من انحراف اخلاقي وديني واجتماعي وفكري
وبنشوف طبعا الشباب المنحرف واللي كل يوم جايب ميت مصيبة لأهله تروح بقي الحاجة والدته تحكي لأختها وجارتها ولطوب الارض
الصايع الفاشل عمل وعمل وعمل وتسيطه ع الأخر يعني وطبعا تبتدي الاجتماعات المفتوحة مش المغلقة ماهي قضية امن قومي بقي ..
تبتدي بقي تناقش وتدور علي حل عشان يصلحوا الوضع المهبب للشاب اللي زي الورد ده وطبعا بتختلف الآراء واللي منهم بقي والشائع جدااااا ا اللي هو اصلا خلاصة كل الرغي اللي فوق ده
يقولولها الولد ده مش هيتصلح حاله غير لما تجوزيه اسمعي كلامي ياختي مفيش غير الجواز هو اللي هيعقله ويخليه يمشي زي الألف
قال يعني هيعقل بالجواز طب ولو معقلش بقي ايه الحل؟؟ حتي ممكن تلاقي الشاب نفسه يقول جوزوني وانا اعقل... ونوع تاني يقول جوزوني يااما هنحرف وده النوع الظريف اللطيف بقي
طب ياتري الجواز هو الحل للشباب المنحرف اخلاقيا وسلوكيا؟؟
وياتري ده صح ان بنات الناس تبقي حقل تجارب للشاب يااما ينصلح حاله او لأ؟
ياتري البنت والستات بصفة عامة عندها القدرة انها تصلح زوجها ولا الطبع يغلب التطبع زي مابيقولوا؟؟
الموضوع طبعا فيه كلام كتير اتمني تناقشوني فيه واعرف اراء الشباب والبنات
