اقول كفايا؟؟؟

اقول كفايا
و لالسه فيه تانى كلام
اخويا مات
فى الميدان
ويا اللى رافعين شعارات السلام
اللى من الجامعه جاى
واللى من شبرا واللى من دار السلام
تغير اصلاح مطالب شرعيه
للى نفسه يتغطى ينام
يحس انه فى الامان
ايام كتير عدت اه
وصوت الحق لسه بيبتسم والله حرام
نقتل اللى ينور الضلمه
نقتل اللى بيبص قدام
اقول كفايا
ولا لسه فيه تانى كلام
كام رساله بعتها لك
ياريسنا الهمام
بعد اللى ماتوا من زمان
كتير اعد ولا فاكر وعاجز فيك الحرف
وخرس الكلام
كنت عارف ان اصحاب النفوس المعدمه
عايشين على خوفنا \
بيمشوا على جرحنا
هايعيشوا تانى ...ازاى لو نبقى بنى ادمين
تلاتين سنه وزياده
والهم نفس الهم
نقول يارب ... والشر ما بيتلم
كرامتنا متباعه فى السوق
ومين يهتم
غير الى فى الميدان
بصوت الحق قالوا (ارحل)
كفايا اتلم ....
اقول كمان
دم شهداء الميدان فى اديك
بس ايه مش شايفه عنيك
ادم نازل منهم ... بينادى عليك
ويوم القيامه .... معاك ما هايفرتش فيك
اقول كمان
لا كفايا ...
تعبت من الكلام ...
ادعوا معايا بالامان
بالسلام
بالجنه للى مات
والقصاص ... من كل جبان(امين )