ابو رامى الغرباوى المراقب العام ونائب المدير العام
عدد الرسائل : 2921تاريخ التسجيل : 07/12/2007
موضوع: بسرعه الحقو الكنز المنسى الجمعة فبراير 25, 2011 11:28 am
اخواتى فى الله واخوانى فى الله اليوم حبيت ان اطرح عليكم موضوع مهم كنز جميل جدا كنز رااائع
نعم انه كنز حاجه لما هتعملها هتكسب كتير جدا وهتكون مرتاح جدا وراضى عن نفسك جدا
هتحس انك مش لوحدك هتلاقى اقوى الاقوياء وكبير الكبراء بجانبك وبيقولك انا اهوه جمبك هساعدك ومعاك وهحفظك لا ومش كدا وبس فى اليوم اللى هتكون فيه كمان لوحدك هيكون هوه النور ليك هيكون انيسك وجليسك
هتقولولى مين ده
فين الكنز
وايه هوه
وهنحصل عليه ازاى؟؟؟؟
هقولكم هدلكم بس
فالاول هسالكم كم
سؤال؟؟؟
مين فى الدنيا دى مبيحسش بالوحده ؟؟
مين فى الدنيا مبيحسش كتير بانه مخنوق ومضايق؟؟؟
مين فينا مبيحسش ان الدنيا دى كلها جايه عليه ؟
مين فينا مبيحسش بالخوف؟؟
مين مبيحسش ان هموم الدنيا دى كلها على دماغه كدا لوحده ومفيش حد يساعده
يـــــــاااه ده كلنا
طيب ايه الحل
هقولكم الحل فى
كنز ربنا عز وجل
انعم بيه علينا من ضمن
نعمه التى لا تعد ولا تحصى
ايوووه انا سمعتكم بتجوبوا فعلا
هو ده القرااان الكريم
الكنز المنسى
بس عاوزه اسال تخيلوا كدا لو حد فينا عرف ان فى فى مكان ما كنز موجود فى حته بعيده مثلا او حتى فى بلد تانيه بس بعيده اوى ومن حق اى حد يحصل عليه انه ياخده ياترى هيعمل ايه؟؟؟؟؟
يـــــــــاااه ده مش هيرتاح غير لما يروح ويدور عليه حتى لوفى اخر بلاد المسلمين
صح ولا ايه
تخيل بقا لما يبقا معاك
كنز فى بيوتنا كلنا ربنا انعم بيه علينا لما تقرا فيه هتنسى همومك وهترتاح
لا استنى ده مش كلامى ده كلام الله عز وجل هو اللى قال فى كتابه العظيم
الا بذكر الله تطمئن القلوب. صدق الله العظيم
اهو شوفته ربنا اللى قال يعنى لما اقراه ايه اللى هيحصل يعنى ؟؟؟
هنرتاح هنطمن ربنا
هيكون معانا يا شباب
هيحفظنا
كل حرف بحسنه والحسنه بعشره امثالها
ايه تانى عاوزين لما تقرا كل يوم جزء قبل متنام
يـــــــاااااااااه عد الحسنات
يــــــــاااااه
ده كتير اوى
ومع ذلك نسيين يعنى كنز اهوه هتاخد حسنات وهترتاح وربنا هيحفظك ويكون معاك وهتطمن وهتحس بالجنه وجمالها ونعيمها هتتقرب بيه لربنا ربنا هيحبك هتقول يارب هيقولك لبيك عبدى
عاوز ايه لبيك عبدى لبيك هيحميك من الشياطين
نعوذ بالله جميعا منهم
يــــــــاااه والله العظيم
ياشباب كنز ومنسى
مبنفتحش المصاحف غير فى رمضان
الا من رحم ربى طبعا
او لما نكون فى ازمه
ومحتجين ربنا يساعدنا نجرى صلاه وقران
واستقامه ايه علشان ربنا يرضى ويزيح عننا الهم ايه اللى احنا فيه ده
ربنا يرحمنا برحمته ده يكفى يااخواتى انه هيكون نوووووووور ليك فى قبرك وهيكون انيس وجليس ليك فى وحشه القبر لا وحشه ايه ده هيكون روضه من رياض الجنه بسبب قراءة القران
سؤااااااااااااااااالى بقا ليكم عشان نفسى يبقا فى مشاركه فى القسم الاسلامى لانى حاسه ان هو كمان بقا كنز منسى
انت بتفتح المصحف كل قد ايه
كم مره فى اليوم مثلا
طيب كم مره فى الاسبوع
طب فى الشهر
فى السنه
فى رمضان بس؟!!!!!!!!!
حتقوله ايه
اجابتك حتكون ايه؟
حبيبك النبى زعلان قوى على هجرنا ده سمعته قال لربك ايه
