الله لو نرضى

السلام عليكم ورحمة الله وبركاته

يارب الجميع يكون بخير وبصحة وعافية

العنوان باين اوى الله لو نرضى

كنت بصراحة بسمع السونج دى وعاجبنى كلامها

وحبيت اجيب كلامها عشان بجد متهيقلى لما تقراه

الكلام سهل جدا ومعانيه حلوه اوى وبالذات فى الوقت ده

الجو هنا فى المنتدى وفى القسم ده بالذات متكهرب شوية

تعالوا الاول نقرا الكلمات دى ونركز فيها بس دقيقة واحده

الله لو نرضى ومحدش فينا يخاصم حد .. يزعل حد آه يفارق حد
الله لو نرضى وان ضاقت بينا نحن لبعض .. نحس ببعض آه نخاف على بعض الله
ترتاح قلوبنا ويهون عذابنا .. الخوف يسيبنا نرضى بنصيبنا ونخاف على بعض
الله لو نرضى الله .. لو نرضى باللى جالنا واللى مقسوم لينا
الله لو نرضى باللى عدى .. واللى جاى علينا
الله لو نرضى من قلوبنا .. الله يرضى علينا
الله لو نرضى باللى جالنا .. واللى مقسوم لينا الله لو
نرضى باللى عدى واللى جاى علينا .. الله لو نرضى من قلوبنا
الله يرضى علينا ترتاح قلوبنا .. ويهون عذابنا الخوف يسيبنا
نرضى بنصيبنا ونخاف على بعض .. الله لو نرضى الله لو نرضى
كلنا وبقلب تايب نغلب غرورنا .. فى نفسنا نبقى حبايب ونقول
ما يرضى ربنا فى حق اللى غايب .. الله لو نرضى كلنا وبقلب
تايب نغلب غرورنا فى نفسنا .. نبقى حبايب ونقول ما يرضى
ربنا فى حق اللى غايب ترتاح قلوبنا .. ويهون عذابنا الخوف
يسيبنا نرضى بنصيبنا ونخاف على بعض .. الله لو نرضى الله لو
نرضى ومحدش فينا يخاصم حد .. يزعل حد آه يفارق حد الله لو
نرضى وان ضاقت بينا نحن لبعض .. نحس ببعض آه نخاف على
بعض الله لو نرضى

قرينا الكلمات كويس احنا زى مابنقول اسره كلنا

وبنحس اننا فى بيتنا التانى اللى بنطلع فيه كل اللى جوانا

وساء حب او حزن وبنمتنى دايما نلاقى الناس حوالينا وتشاركنا كل لحظاتنا

بس لو احنا مش صافيين من جوه ده عمره ما هيحصل

وطول ما كل واحد شايل من التانى استحالة فعلا هنرتاح

وهنخسر ناس كتير صدقونى

ايه رأيكم لو نفتح صفحة جديده كلنا ونبقى فعلا اخوات وماحدش يزعل من التانى

من اقل حاجه او حد يشيل من التانى او يمسك للتانى على غلطه

احنا بنتجمع هنا اكتر ما نقعد مع اصحابنا اللى بجد

يبقى ليه نبقى زعلانين من بعض وكل واحد عايز يمسك للتانى على غلطه

عايزين فعلا نحس اننا لما بندخل هنا ننسى كل حاجه

وندخل فعلا نفيد الناس ونستفيد كمان

ولو حد زعلان من التانى نحاول اننا نصالحهم على بعض

صدقونى والله هيبقى احلى بكتير من اللى بيحصل دلوقتى

وياريت فعلا ننسى كل الى فات وكأننا لسه داخلين المنتدى ده النهارده

ونتعامل على اننا كلنا فعلا اخوات

يلا بقى قولولى

صعب اننا نحافظ على بعض ونصون غيبة الناس اللى مش موجوده؟؟

ياترى ناوى تسامح وتبدأ من جديد ولا شايف انها صعبة ؟؟

ايه اللى ناقصنا تانى عشان نبقى فعلا اخوات ونخاف على بعض ؟؟

فى رعاية الله