احبك اه واخونك برده اه

السلام عليكم ورحمة الله وبركاته

يارب الجميع يكون بخير كدا وكله تمام ومفيش اى مشاكل

كنت عايز اتكلم معاكم فى حاجه يعنى محيرانى شوية

يعنى سمعت كتير بيقولك اللى بيحب حد مستحيل يخونه

والخيانه اللى بتكلم عنها انه يعرف واحده غير اللى بيحبها

ومش هتكلم عن البنات انا موضوعى عن الشباب اللى بتخون واحده بتحبه او مراته او خطيبته

لما واحد يعمل كدا ويخون مراته او خطيبته تقول لا خلاص اطلق منه لا خلاص ارمى الدبله فى وشة

انا عارف اللى هقوله دلوقتى ممكن اتشتم بس مش مهم هقوله برده

متهيقلى الحب مالوش دعوه بالخيانه

بحبك اه وبموت فيك وماقدرشى استغنى عنك بس الخيانة دى عامله زى الادمان

مش هينفع اقضى عليها مره واحده يعنى مابقاش كنت كل يوم مع واحده

ولما اخطب افركش كل ده بسهولة كدا استحالة وماحدش يقولى لا هسيب ده كله

والله كذاب وبتضحك على نفسك ولو سيبتها مره واحده هترجعلها ولو ماكنشى فى فترة الخطوبة

هترجعلها بعد الجواز

كان دايما صحابى يقولوا لما تخطب اوعى تقول لخطيبتك عن اى حاجه حصلت زمان

عشان ماتاخدشى عنك فكرة وحشه وبتاع كنت بضحك

واقولهم اول حاجه هعملها هقولها كل حاجه حصلت فى حياتى

والله ماهسيب سطر حتى لازم تعرف عشان ماتجيش بعد كدا تقولى انت خدعتنى وانت غشتنى

لا ياستى انا قولتلك كل حاجه قبل مانتجوز ومن رأى ان ده الصح واكيد كل واحد حر فى رأيه

طيب ولنفرض ان الواحد ضعف مثلا وخان خطيبته او مراته وفعلا ندم

وهى لا يمكن انت خاين وغشاش ومابتحبنيش لا ياستى هو بيحبك

طيب ليه بقى الستات مابتحولشى انها لما يحصل كدا تستفسر منه هو ليه عمل كدا

وده استحالة هيحصل بس انا بقول ليه مابتعملشى كدا

ليه ماتفهمشى منه يمكن هى مقصرة الواحد لما بيخون الانسانه اللى مرتبط بيها

مابيبقاش مبسوط وفرحان بالعكس بيبقى مخنوق ونفسه فعلا يقولها وتسامحه

بس هو عارف لو قال هيبات فى العناية المركزة

وبعدين مايمكن الغلط منك ولو بتحبيه اكيد هتحاولى تساعديه وتخليه مايشوفشى غيرك

بدل ماهو بيشوف غوريلا

انا مش عايز ارغى عشان الناس ماتزهقشى

بس عايز اسأل كام سؤال يعنى واتمنى الاجابة منكم

-رأيك ايه فى الكلام ده؟؟

1-ياترى الحب مرتبط بعدم الخيانة ؟؟

2- لو حبيبك خانك هيبقى رد فعلك ايه وبصراحة ؟؟؟

3- ايه اللى ممكن يهدم بيت الزوجية ؟؟

4- ايه الحاجه اللى مستحيل تسامح فيها ؟؟

فى رعاية الله

» ممكن اسأل ليه احبك**...
» عندما جمعت كلمة احبك‎
» احبك ....في عينيك عنواني
» احبك وانت ما تدري
» تريدى انت تعرفى لماذا احبك .....؟