السلام عليكم ورحمة الله وبركاته
ذكرياتي بتطاردني وبتاخدني من طريقي ومن حياتي
ذكرياتي لسه عايشه لسه حايشه جوه انفاسي اهاتي
الله الله يا هاني بيه شاكر
من مطربيني المفضلين
بسم الله الرحمن الرحيم
احبائي الاعضاء بفكره جديده اتمني تنال اعجابكم
المهم اننا هانرد فى الموضوع ونكتب عن ذكري عشناها
منها الفرح ومنها الأه ومنها الحلو ومنها المر
فينا بيقدر يكتم ذكراه سنين وبمجرد ان يأتي انسان ويلمس الوتر الحساس
تنفجر خبايا من اخفي ذكراه ويبوح له بها وينهار بالدمع امامه
انا واحد من الناس مش بحب دموعي تنزل قدام حد ولا اشكي ضعفي وعجزي لحد
كنت دايما اما اتعب او اضعف اقفل عليا الاوضه وافتح اغاني بصوت عالي
بحيث لو بكيت ولا حد يسمع بكايا
بس ده كان بسبب اني مليش حد يمسح دموعي من بعد وفاة الغاليه رحمها الله
انما هنا احنا عيله واحده وأسره واحده هم الفرد فينا يزعل سائر الاعضاء
وفرح الفرد فينا يفرح باقي الاعضاء
ولذلك جئت لكم بمذكرات يوميه كل فرد يكتبلنا ذكري بتوجعه بتبسطه
ذكري لا يستطيع نسيانها
فقولت لازم انتو كمان تشاركوني ذكرياتكم
صوره ودمعه وكام ذكـري .. هصبـر بيهم علي بكـره
