بحار ......فيكى يادنيا

[center]بحار فى بحرك يادنيا والشط فيكى بعيد

ولا لاقى فيكى مرسى يحيينى تانى من جديد

فى بحر الامك غرقتينى

وفى وسط الموج وضيعتينى

ولا جيتى فى لحظة وطلعتينى

وخليتى جراحى فيكى تزيد

بحار فى بحرك يادنيا والشط فيكى بعيد

انا شفت فيكى كل الجراح

وصبرى كان هو السلاح

باقول امتى ييجى يوم وارتاح

واعيش ولو لحظة فيكى سعيد

بحار فى بحرك يادنيا والشط فيكى بعيد

ماعرفتش فى يوم معنى الهنا

وكان الاحزان اتخلقت علشانى انا

ده يوم الجرح فيكى بيعدى بسنة

والفرح اصبح فى حياتى شىء فريد

بحار فى بحرك يادنيا والشط فيكى بعيد

الضحكة فى حياتنا وضيعتيها

وجبتى مكانها الاحزان ووضعتيها

والقسوة انتى اللى صنعتيها

وبقيت وسط الهموم عايش وحيد

بحار فى بحرك يادنيا والشط فيكى بعيد

[/center]

» برنامج الاصلاتى الرائع يحتوى على راديو لا تتردد حمل سريعا