ابو رامى الغرباوى المراقب العام ونائب المدير العام
عدد الرسائل : 2921تاريخ التسجيل : 07/12/2007
موضوع: ازاااى ترفع ضغط مراتك :: الإثنين نوفمبر 09, 2009 6:55 am
السلااااام عليكم
توبيك خفيف كده او ع الماشى
وده هديه طبعااا لـ ميار
ولـ منار .... بس لو سمعت كلام ميار
ما علينااا
ركزو معايا يا شباب .... وطبعا البنات ... امال احنا جايين نرفع ضغط مين ......!؟
خدو الخطوااات
الصبح وانت رايح على شغلك وهى نايمة ... تتعمد اسقاط اى شىء او اخبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى .....؟
اصح يوم الجمعة بهمة ونشاط وجهز الافطار لزوجتك حبيبه قلبك وحياتك بس متنساش انك تستخدم 15طبق واكبر كمية من الملاعق والشوك و 5 حلل من اللى عندكم فى المطبخ و10 كوبيات وده كله طبعا عشان تعمل طبق بيض وسندوتش جبنة لحبيبتك طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض
فى عيد ميلادها زينلها تورتة عيد ميلادها ب50 شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات و اتمشى بقا ف قلب البيت وانت مستمتع بأكل الجاتوة امامها
متنساش رأيك فى طبيخها ....؟ لو عاملة لحمة قول لها حلو اوووى الفراخ دى ولو طبخه بامية قولها جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة !!
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟
وانت قاعد تتفرج على التلفزيون وهى طالع عينها فى تنظيف البيت وبعد ما تخلص معلش ممكن كوبية مية علشان ضهرى بيوجعنى
